Policia e Kërçovës nuk i zbaton regullat !

Pse disa policë nuk e respektojnë ligjin? Policia duhet ta ketë të qartë se askush nuk është mbi ligjin—përfshirë edhe ata që kanë për detyrë ta zbatojnë atë.

Në fotot e bashkëngjitura shihet qartë një rast i keqpërdorimit të mjetit të punës dhe parkimit të paligjshëm të automjetit. Këto veprime jo vetëm që përbëjnë shkelje, por edhe dëmtojnë besimin e qytetarëve te institucionet, sepse krijojnë përshtypjen se rregullat vlejnë për disa, ndërsa për të tjerët jo.

Pyetja është e thjeshtë: a duhet të ketë përgjegjësi dhe ndëshkim edhe kur shkeljen e kryen një punonjës shtetëror? Në një shtet ligjor, përgjigjja duhet të jetë “po”. Ligji zbatohet njësoj për të gjithë, pa përjashtim, dhe çdo shkelje duhet të trajtohet me masa disiplinore dhe ligjore, sipas procedurave përkatëse.

Nëse institucionet nuk reagojnë dhe nuk marrin masa, atëherë kjo bëhet një precedent i rrezikshëm: normalizon abuzimin dhe e kthen paligjshmërinë në “praktikë”. Pikërisht për këtë arsye, për transparencë dhe ndërgjegjësim publik, jam e detyruar ta publikoj këtë rast në mediat online, me qëllimin që të ketë reagim dhe të merren masa konkrete.
Shkruan Bajram Emrulai

/ms