Policia austriake tërheq nga komunikacioni një autobus të vjetër nga Maqedonia..!?

Një autobus pothuajse për t`u hedhur në mbeturina, fundjavën e kaluar u ndalua në pikën kufitare në Nickelsdorf (rrethi Neusiedl am See)
Të shtunën, më 7 mars, zyrtarët e Departamentit të Trafikut Shtetëror të Burgenland, së bashku me teknikët nga ASFINAG, kryen kontrolle të shtuara të automjeteve të mallrave të rënda në hyrje dhe dalje të autostradës A4.

Rreth mesditës, gjatë kontrollit të një autobusi nga Maqedonia e Veriut, në automjet janë zbuluar disa defekte të rrezikshme teknike. Përveç një kllape të thyer të drejtimit, e cila e bënte të pamundur drejtimin drejt, një kaliper frenash ishte gjithashtu i lidhur dobët.

Autobusi, me 73 pasagjerë, kryesisht gra me rastin e Ditës Ndërkombëtare të Gruas, ishte nisur nga Shkupi (Maqedonia e Veriut) për në Vjenë, transmeton portali Shtegu. Krahas defekteve teknike që pamundësuan vazhdimin e drejtimit të mjetit, u zbulua edhe manipulimi i kohës së drejtimit dhe pushimit.

Gjatë vlerësimit të disqeve të tahografit të paraqitur dhe konfirmimit për ditët pa vozitje, u zbulua manipulim i qartë i të dhënave. Kjo bëri të mundur që drejtuesit e mjeteve të transportonin pasagjerë pa pushim dhe pa tejkaluar kohën e vozitjes dhe pushimit.

Ata kanë pranuar dhe konfirmuar të gjitha akuzat. U organizua një autobus zëvendësues për të transportuar 73 pasagjerët e tutje. Vozitësi 55-vjeçar i autobusit dhe shoqëruesi i tij 54-vjeçar, të dy nga Maqedonia e Veriut, u raportuan në zyrën e prokurorit publik të Eisenstadtit dhe në autoritetin e qarkut Neusiedl am See.

/shtegu