Përshtypjet e ambasadorit Rexhep Demiri gjat promovimit të veprës “Në mes Lavdisë dhe Harresës”

Sot pata kënaqësinë dhe nderin të marr pjesë në promovimin e monografisë “Në mes Lavdisë dhe Harresës” të autorit Blerim Ramadani, organizuar nga Shoqata Kulturore Kërçova Zvicër.

Kjo vepër përmbledh jetën dhe kontributin e jashtëzakonshëm të Tefik Ramadanit, një emër që meriton vend të veçantë në historinë dhe kulturën shqiptare.

Përgëzime autorit për këtë punë të vlefshme që jo vetëm nderon një personalitet të madh, por edhe shërben si pasqyrë për trashëgiminë dhe vlerat e Kërçovës dhe mbarë kombit shqiptar. Kjo monografi do të jetë një burim i vyer për brezat e rinj që kërkojnë frymëzim në të kaluarën tonë.

Tefik Ramadani mbetet një shembull i vlerave, këmbënguljes dhe përkushtimit, një njeri që përkundër sfidave të mëdha nuk u ndal kurrë së punuari për të mirën e Kombit tonë.

Falënderoj organizatorët për këtë iniciativë madhështore dhe gjithë të pranishmit që ndanë këtë moment të rëndësishëm bashkë. Nisma të tilla na bëjnë të reflektojmë për rrënjët, vlerat dhe identitetin tonë kombëtar. Shkruan ambasadori i Maqedonis së Veriut në Zvicër Rexhep Demiri në facebook.

/ms