PËRSE ? Përse ky vendi im u bë kaq i pashpresë ! (VIDEO)

Një klithmë dhimbjeje dhe shpresë e humbur për atdheun që s’u bë as në tri dekada.
Vargjet e melodies se Sali Shabanit sjellin revoltë ndaj padrejtësisë dhe zhgënjimit, mall për flamurin dhe frikë nga humbja e identitetit.

Pyetja “Përse?” mbetet pa përgjigje, por tingëllon si kushtrim ndër breza.

PËRSE
Përse ky vendi im
U bë kaq i pashpresë,
Me vete flet njeriu:
“Të rroj apo të vdes?”

Përse ky vend i vogël
S’u bë në 30 vjet,
Përse, o të mallkuar,
U tallët me këtë shtet?

Unë dua të krenohem
Këtu me këtë flamur,
Ah, kam frikë se vendi im
Nuk do të bëhet kurrë.

Përse u katandisëm
Sikur jemi jetimë,
O Zot, sa kam frikë
Të rroj në vendin tim.

Përse dritë nuk shohim
Në pragun e shtëpisë,
Çdo shpresë që kishim
U tret në erë të padrejtësisë.

Pse gjaku i të parëve
S’na ngroh më shpirtin sot,
O ju që shisni ëndrrat,
A mendoni se ka Zot !

VIDEO:

/tvgurra