Përkujtim për Sali Ramadani – Deputeti i Popullit nga Kërçova

Tetë vite nga kalimi në botën e amshueshme, emri i Sali Ramadani – Kërçova, Deputet i Popullit, mbetet i gdhendur thellë në ndërgjegjen kombëtare. Ai la gjurmë të pashlyeshme me guximin, dijen dhe vizionin e tij.

Jurist i diplomuar në Fakultetin Juridik në Zagreb (1965), ishte njeri i dijes, i penës dhe i parimeve të palëkundura.
Patriotizmi i tij ishte forcë që rrëzonte çdo pengesë, ndërsa atdhedashuria u shndërrua në mbrojtje të palëkundur të gjuhës shqipe, flamurit kombëtar dhe të drejtave të shqiptarëve në Parlamentin e Maqedonisë.

I përndjekur dhe i burgosur, por kurrë i përkulur, qëndroi i pathyeshëm përballë padrejtësive të regjimit.
Kujtimi për Sali Ramadanin do të jetojë përjetë përmes fjalës së tij:
“Duajeni atdheun dhe kombin.”

Pusho i qetë në tokën e Uskanës që aq shumë e deshe.
E përkujtojnë familjarët dhe e gjithë Kërçova.

/votra.info