Për sigurimin e automjeteve në Zvicër, të qenit i ri dhe i huaj paguhet më shumë..

Një studim zbulon se, një vozitës i ri me kombësi të huaj do të paguajë shumë më shumë për primet e tij të sigurimit, sesa një vozitës më i vjetër zviceran. Drejtuesit e rinj dhe ata me kombësi të huaj, përballen me prime shumë më të larta se sa siguruesit e tjerë në Zvicër. Duke kombinuar këto dy karakteristika, sipas një studimi vjetor të kryer nga bonus.ch, disa shtesa madje arrijnë në 690%. Diferencat e çmimeve prej rreth 4 000 franga për një kasko të plotë.

Në fund të majit 2021, portali online i krahasimit kreu një analizë të të gjithë siguruesve kryesorë për tre profile të moshave të ndryshme, 18, 30 dhe 70 vjeç. Rezultatet: Përderisa çmimet kanë ndryshuar mjaft nga viti i kaluar, disa karakteristika të tilla si mosha dhe kombësia ende përcaktojnë primin.

Të jesh i ri dhe të jesh me kombësi të huaj janë dy parametra që çojnë lart çmimin e sigurimit të veturës, informon portali Shtegu. Për ta kuptuar këtë, duhet vetëm të krahasosh primet e një vozitësi zviceran 30-vjeçar dhe ato të një të një të siguriari 18-vjeçar shqiptar. Ky i fundit duhet të paguajë deri në gati 8 herë më shumë për të marrë shërbime identike. Mesatarisht, pagesa shtesë është 368%. Për një përgjegjësi të thjeshtë civile, është edhe 445%, sipas bonus.ch.

Në franga, kjo përkthehet në diferenca çmimesh deri në 3 779 franga për një kasko të plotë.
Brenda të njëjtit sigurues, një vozitës shqiptar 18-vjeçar paguan 4 512 franga, krahasuar me 733 franga për një të siguruar zviceran 30-vjeçar.

Më shumë sesa thjesht kombësia, faktori që përcakton më shumë preminë, është mosha e vozitësit.
Mesatarisht, një vozitës i ri zviceran përballet me 157% shtesë për të njëjtën mbulim, sikurse 30 vjeçari.

Ndërsa disa sigurues penalizojnë të moshuarit duke ofruar prime mjaft më të larta (shtesë deri në 61%), ofruesit e tjerë ofrojnë norma të favorshme krahasuar me një vozitës 30-vjeçar (diferencat e primeve deri në -20%).

Mosha dhe kombësia nuk janë parametrat e vetëm që ndikojnë në nivelin e primeve. Përvoja e vozitësit, gjinia, vendbanimi, numri i kilometrave të kaluara, vlera e automjetit apo edhe ngjyra e veturës janë faktorë të tjerë që përcaktojnë çmimin e sigurimit të automjetit.

/shtegu.com