Për herë të parë në Zvicër ka më shumë të moshuar se të rinj !

Zvicra ka arritur një pikë kthese demografike: për herë të parë, numri i personave mbi 65 vjeç është më i madh se ai i të rinjve nën 20 vjeç. Këtë e tregojnë të dhënat përfundimtare të Zyrës Federale të Statistikave (FSO) për zhvillimin demografik gjatë vitit 2025.

Në fund të vitit 2025, popullsia e përhershme rezidente e Zvicrës arriti në 9,127,100 banorë, duke shënuar një rritje prej 0.8 për qind krahasuar me një vit më parë.

Të dhënat tregojnë qartë procesin e plakjes së popullsisë. Numri i personave të moshës 65 vjeç e lart arriti në 1.811 milion, ndërsa numri i personave nën moshën 20-vjeçare ishte 1.804 milion, transmeton albinfo.ch.

Ndryshimi reflektohet edhe në raportin e varësisë demografike. Për çdo 100 persona të moshës 20 deri në 64 vjeç, tashmë ka 32.8 persona të moshës 65 vjeç e lart, krahasuar me 32.7 persona nën 20 vjeç. Edhe në këtë tregues, të moshuarit kanë kaluar të rinjtë për herë të parë.

/albinfo