Për dy ditë, 3 viktima në rrugët e Kërçovës..! (VIDEO)
Rruga magjistrale e Kërçovës ishte fatale për një familje nga Tetova.
Në afërsi të fshatit Zajaz gjatë ditës ndodhi një aksident në të cilin dy gra humbën jetën.
Njëra ka ndërruar jetë në vendin e ngjarjes, ndërsa tjetra në autoambulancë, rrugës për spital. Vetura e tipit Golf 4 me targa të Tetovës është përplasur me një furgon të tipit “Mercedes”.
“Me datë 20.08.2022 në ora 09:15, në rrugën kryesore Gostivar–Kërçovë në afërsi të fshatit Zajaz të Kërçovës, ka ndodhur një aksident trafiku në mes të automjetit “Mercedes” me targa të Tetovës dhe një veture “Golf” me targa të Tetovës. Në vendin e aksidentit ndërroi jetë T.V.(54) nga Tetova, ndërsa S.C.(75) nga Tetova ka ndërruar jetë në autoambulancë rrugës për në Qendrën Emergjente në Shkup”, njoftuan nga SPB-Ohër
Gjithashtu gjatë ditës së djeshme një 20 vjeçar në mes të qytetit të Kërçovës ka shkelur një të moshuare me ç’rast e njëjta ka ndërruar jetë në vendin e ngjarjes.
“Një 79-vjeçare nga Kërçova ka ndërruar jetë pasi është goditur nga një veturë “Turan” që po drejtohej nga 20-vjeçari M.S. nga Kërçova. Rasti ka ndodhur dje rreth orës 18:15 në rrugën “Kuzman Josifoski-Pitu” në Kërçovë, ku vetura Turan fillimisht ka goditur të moshuarën D.C.“, pohojnë nga SPB-Ohër.
Gjatë verës në këtë rrugë magjistrale nga fshati Kollarë e deri në dalje të Kërçovës ka pasur edhe aksidente të tjera. Në Korrik pikërisht në këtë magjistrale një 24 vjeçar nga Kërcova ndërroi jetë në aksident trafiku.
Tabelat tregojnë se në këtë rrugë magjistrale e cila kalon përmes fshatrave të Kërçovës shpejtësia e lejuar është 50 km/h, por rrallë kush respekton shpejtësinë e lejuar me çka ndodhin edhe aksidente me pasoja fatale.
VIDEO:
/tv21
