Pensionohet imami Imer ef. Jusufi

Me rastin e penzionimit të imamit shembullor, Mr. Imer ef. Jusufi, dëshiroj të shpreh mirënjohjen dhe respektin më të thellë për kontributin e tij të çmuar ndër vite.

Për plot 35 vite me radhë, Imam Imer ef. Jusufi shërbeu me përkushtim, devotshmëri dhe urtësi në xhaminë kryesore të qytetit tonë, duke lënë gjurmë të pashlyeshme në jetën fetare dhe edukative të komunitetit. Nga puna e tij e palodhshme kanë dalë qindra nxënës, të cilët kanë mësuar Kur’anin dhe janë edukuar me vlera të larta islame.

Ndjehem thellësisht krenar që kam pasur nderin të bashkëpunoj me këtë imam të nderuar dhe sot, në rolin tim si Myfti, shpall vendimin e penzionimit të tij, duke i shprehur njëkohësisht mirënjohje të sinqertë për shërbimin dhe kontributin e dhënë ndër vite.

Lusim Allahun e Madhëruar ta shpërblejë me shëndet, begati dhe sevape të shumta për çdo përpjekje të tij në shërbim të fesë dhe xhematit.

/ms