Panik në Itali, mbi 100 tërmete në pak orë! Banorët e kaluan natën në rrugë..

Shumë qytetarë të Pozzuolit, në Napoli të Italisë u detyruan ta kalonin natën në rrugë, nga frika e tërmeteve.
Mediat në Itali bëjnë me dije se gjatë ditës dje nga ora 19:51 deri në 23:00 në këtë zonë janë shënuar dhjetëra tërmete duke shkatkuar frikë dhe panik te qytetarët.

Ndërsa deri në orën 00:31 të mëngjesit sot janë regjistruar përreth 150 pasgoditje.
Sipas informacioneve, banorëve që jetonin në ndërtesa të vjetra iu kërkua si masë paraprake të largoheshin prej shtëpive të tyre.
Lëkundja më e fortë sizmike kishte magnitudë 4.4 Rihter dhe një thellësi prej 3 kilometarsh, për fat të mirë pa dëme në njerëz.

Ndërkohë që janë regjistruar dëme të vogla materiale. Mediat sociale në Itali kanë publikuar pamjet nga momenti tërmetit nga një supermarket. Siç duket edhe në video tërmeti ka rrëzuar përtokë produktet e supermarketit. Siç njoftuan autoritetet, ky është tërmeti më i fortë në rajon në dyzet vitet e fundit.

/infoshqip