Pajtime Mehmedi merr pozicionin e drejtoreshës në Qendrën për Punë dhe Politikë Sociale në Kërçovë

Duke i uruar punë të mbarë dhe suksese drejtoreshës së re të Qendrës për Punë Sociale në Kërçovë, sot zhvilluam takim produktiv për të shqyrtuar nevojat dhe sfidat me të cilat përballet kjo qendër në përditshmëri.

Diskutuam për planet e përbashkëta që do të çojnë drejt përmirësimit të kushteve të punës dhe shërbimeve që ofrohen për qytetarët.
Vëmendje e veçantë iu kushtua përmirësimit të kushteve në Qendrën Ditore për Persona me Aftësi ndryshe, sidomos në aspektin e ngrohjes gjatë periudhës së dimrit.

Po ashtu, u theksua rëndësia e bashkëpunimit të ngushtë për trajtimin e rasteve të dhunës në familje – nga strehimi dhe mbrojtja, deri te krijimi i kushteve për punësim dhe pavarësi ekonomike e sociale të viktimave.

Mbetemi të angazhuar dhe pranë institucioneve dhe qytetarëve, për të gjetur zgjidhje dhe për të ndërtuar së bashku një sistem social që nuk lë askënd pas.
Shkruan ministri Fatmir Limani në facebook.

/ms