Paisje të reja për Zjarfiksët e Kërçovës

Kryetari i Komunës së Kërçovës, Dr. Aleksandar Jovanovski, vizitoi sot Njësinë Territoriale të Zjarrfikjes – Kërçovë, ku zjarrfikësve iu dorëzuan uniforma të reja mbrojtëse, me qëllim përmirësimin e kushteve të punës dhe rritjen e sigurisë së tyre gjatë intervenimeve të përditshme.

Zjarrfikësit janë gjithmonë në vijën e parë kur nevoja është më e madhe, të gatshëm të reagojnë në kushtet më të vështira dhe më të rrezikshme për të mbrojtur qytetarët dhe të mirat materiale. Prandaj, sigurimi i pajisjeve moderne dhe cilësore ka rëndësi të veçantë për gatishmërinë dhe efikasitetin e tyre në terren.

Uniformat e reja ofrojnë rehati, lëvizshmëri dhe mbrojtje më të madhe, si dhe rezistencë më të lartë ndaj nxehtësisë dhe ndikimeve të tjera gjatë intervenimeve.

Gjatë vizitës, Kryetari i Komunës u shprehu mirënjohje përkushtimit, guximit dhe profesionalizmit të tyre, duke theksuar se mbështetja e shërbimeve të mbrojtjes dhe shpëtimit mbetet prioritet i Komunës së Kërçovës.

Komuna e Kërçovës mbetet e përkushtuar ndaj modernizimit të pajisjeve kundër zjarrit dhe investimit të vazhdueshëm në zgjidhje që ndjekin standardet bashkëkohore për mbrojtje dhe shpëtim.

/ms