Pagat në Evropë: Ku fitoni më shumë?

Janari është shpesh periudhë ndryshimesh në tregun e punës, ndërsa punonjësit dhe kompanitë rishikojnë planet për vitin e ri. Paga mbetet një nga faktorët kryesorë në vendimet për karrierë dhe ndryshon ndjeshëm mes vendeve evropiane, si në vlerë nominale ashtu edhe sipas fuqisë blerëse.

Sipas Eurostat (2024), paga mesatare vjetore në BE është 39,808 euro, duke varion nga 15,387 euro në Bullgari deri në 82,969 euro në Luksemburg. Pagat më të larta gjenden kryesisht në Evropën Perëndimore dhe Veriore, ndërsa më të ulëtat në Evropën Lindore dhe Juglindore.

Ekspertët theksojnë se hendeku i pagave lidhet me produktivitetin, strukturën ekonomike, praninë e sektorëve me vlerë të lartë të shtuar, si dhe fuqinë e sindikatave dhe pagën minimale.

Kur pagat maten sipas paritetit të fuqisë blerëse (PPP), dallimet zvogëlohen: nga 21,644 PPP në Greqi deri në 55,051 PPP në Luksemburg. Renditja e vendeve ndryshon ndjeshëm, pasi kostoja e jetesës luan rol kyç.

Nëse trendi aktual vazhdon, paga mesatare në BE pritet të arrijë rreth 41,600 euro në 2025 dhe 43,400 euro në 2026.

/alsatm