Padi nga policia e RMV-së ndaj inspektorit nën dyshimet për zbulim të sekretit zyrtar !

Policia e Maqedonisë së Veriut ka ngritur kallëzim penal ndaj një inspektori të pavarur nën dyshimet se ka kryer zbulimin e sekretit zyrtar, transmeton Portalb.mk.

“Kallëzim penal kundër B.J., i punësuar si inspektor i pavarur në Seksionin për Burime të Fshehta Njerëzore të Informacionit në Departamentin për Analizë Kriminalistike e Kundërzbulim pranë SPB Manastir për shkak të dyshimit të bazuar për kryerjen e veprës penale “zbulimi i sekretit zyrtar” sipas nenit 360, paragrafi 1 i Kodit Penal të RMV-së”, raportoi Policia e Maqedonisë së Veriut.

Ai dyshohet se më 9 dhe 17 janar të këtij viti ka kontrolluar një person nëse është i përfshirë në listën e personave që kanë armë me leje.

“Në mënyrë të paautorizuar ka kryer verifikimin e të dhënave nga sistemi për regjistrimin dhe menaxhimin e armëve për një person tjetër të përfshirë në procedurë tjetër gjyqësore. Pas kryerjes së verifikimit me celularin e tij ka bërë fotografi të monitorit të kompjuterit zyrtar të MPB-së dhe fotografitë i ka ndarë me personin e paautorizuar”, raportoi Policia.

/portalb.mk