OH “Kalliri i Mirësisë – Kërçovë” përmbyll me sukses aktivitetet humanitare
OH”Kalliri i Mirësisë -Kërçovë” përmbylli me sukses aktivitete e planifikuara për muajin e bekuar të Ramazanit. E gjithë kjo u arrit përmes zemërgjerësisë së donatorëve që ne si organizatë humanitare u jemi mirënjohës dhe falemnderues po mbi të gjitha falemnderues janë ato që përfituan nga mirësitë.
Ishin dy aktivitete të fundit me të cilat përmbyllet aktiviteti i këtij muaji e ato ishin pakot e Bajramit dhe veshmbathje për jetimat dhe skamnorët. Në ditët e fundit të muajit të agjërimit u ndanë 200 pako dhe veshmbathje të reja për 200 fëmijë jetim dhe skamnorë.
Dashtë Zoti i Madhërishëm që bamirësve t’ua kthejë shumëfish nga nuk e presin dhe u peshofshin tek veprat e mira në ditën e gjykimit.
Zyra për marrëdhënie me publikun pranë OH “Kalliri i Mirësisë – Kërçovë”
/ms
