Oda Kërçovare – Zvicër priti mysafir nga Amerika

Gjatë qëndrimit në Zvicër për pushime dimërore dhe vizita familjare e shoqërore, përfaqësues nga diaspora shqiptare në SHBA kanë shprehur vlerësim të veçantë për Odën Kërçovare, duke e cilësuar atë si një nga pikat më të rëndësishme të ruajtjes së trashëgimisë kulturore shqiptare ( Kërçovare )

Është e pamundur të vish në Zvicër dhe të mos vizitosh Odën Kërçovare, këtë vatër të kulturës shqiptare ku ruhen fjala e burrit, kënga e trimërisë dhe amaneti i të parëve tanë, janë shprehur Arben Ramadani dhe vëllai i tij, Burimi.

Ata theksuan se aktivitetet e Odës Kërçovare i përcjellin vazhdimisht dhe me krenari, duke nënvizuar misionin e saj në ruajtjen e identitetit kombëtar, gjuhës shqipe, traditës dhe frymës atdhetare shqiptare në diasporë. Në fund, ata uruan shëndet, forcë dhe suksese të vazhdueshme për të gjithë ata që kontribuojnë në këtë mision kombëtar. Shkruan: Oda Kërçovare – Zvicër

/ms