Oda Kërçovare publikon këngën “Në Ballë të Arbërit” dhe fton të rinjtë t’i bashkohen traditës (VIDEO)

Oda Kërçovare në Zvicër ka publikuar këngën patriotike “Në Ballë të Arbërit”, një interpretim që përcjell mesazhin e dashurisë për atdheun, gjuhën dhe kulturën shqiptare.
Kënga interpretohet nga rapsodi Argjend Lika së bashku me të riun Altrim Azizi, i lindur dhe i rritur në Zvicër, duke dëshmuar se fryma kombëtare dhe tradita shqiptare po ruhen dhe po kultivohen edhe nga brezat e rinj të diasporës.

Përmes këtij publikimi, Oda Kërçovare dërgon një ftesë të hapur për të gjithë të rinjtë shqiptarë që t’i bashkëngjiten aktiviteteve kulturore dhe muzikore, në mënyrë që kënga dhe tradita shqiptare të vazhdojnë të jetojnë brez pas brezi.

Aktivitetet e Odës Kërçovare zhvillohen çdo të premte nga ora 20:00, duke krijuar një hapësirë ku të rinjtë mund të mësojnë, të këndojnë dhe të ruajnë vlerat tona kombëtare.
“Zëri i Arbërit duhet të jehojë në çdo brez”, është mesazhi që përcillet përmes kësaj iniciative kulturore në diasporë.

VIDEO:

/tvgurra