Nxënësit e SHMK “Drita” nga Kërçova vizitojnë Kuvendin e Maqedonisë

Nxënësit e SHMK “Drita” nga Kërçova, së bashku me drejtorin Lulzim Sadiku dhe profesoreshën Arjeta Zeqiri, realizuan një vizitë në Kuvendin e Republikës së Maqedonisë së Veriut.

Gjatë qëndrimit të tyre, ata u shoqëruan nga këshilltarja e posaçme e Kryetarit të Kuvendit, Albulena Demiri Zendeli. Nxënësit patën mundësinë të njihen nga afër me funksionimin e institucionit më të lartë ligjvënës në vend, si dhe të takojnë Kryetarin e Kuvendit, Afrim Gashi.

Kjo vizitë shërbeu si një përvojë e vlefshme edukative për të rinjtë, duke i afruar më shumë me institucionet shtetërore dhe proceset demokratike.

Të rinjtë janë e ardhmja jonë, ndërsa investimi në dijen dhe përfshirjen e tyre mbetet garancia më e mirë për një shoqëri më të drejtë dhe më demokratike.

/tvgurra