Një zë nga mërgata për Kërçovën dhe të vërtetën e hidhur !

Nuk është hera e parë që kryetari historik i Kërçovës ballafaqohet me skena të turpshme e të papranueshme për një figurë që dikur u pa si simbol i qëndresës dhe patriotizmit.

Në vitin 2013, e gjithë Kërçova i besoi Fatmir Deharit – ish-ushtar i UÇK-së – duke menduar se në krye të komunës do të kishte një njeri të ndershëm, një atdhetar që do të mbrojë vlerat kombëtare, nderin e qytetit dhe sakrificën e brezave.
Por fatkeqësisht, veprat e tij si njeri i parë i komunës e kanë zbehur dhe rrënuar çdo ndjenjë respekti që dikur populli kishte për të.

Zyra e tij, që ai e quante “si muze i UÇK-së”, sot është kthyer në simbol të turpit, hipokrizisë dhe keqpërdorimit të emrit të luftës. Ai nuk ndaloi vetëm aty – guxoi të përdhosë edhe figurën e Skënderbeut, heroit tonë kombëtar, që e njeh e gjithë bota si simbol të lirisë shqiptare.
Çfarë mesazhi jep kjo për brezat e rinj? A është ky shembulli që duhet ndjekur një udhëheqës që pretendon se përfaqëson Kërçovën dhe vlerat shqiptare?

Me sjellje arrogante dhe amoralitet që duhet patjetër dënuar sipas fesë, por edhe sipas nderit të kombit, ai po e përçmon popullin që dikur i dha besimin me zemër.
Çfarë tjetër duhet të ndodhë që Kërçovarët të hapin sytë?
Sot ai ndërhyn në familjet e njerëzve të ndershëm, nesër mund të prekë në secilën derë, në çdo shtëpi që ende mban shpresë se drejtësia ekziston.

Prandaj unë, si mërgimtar nga Zvicra, si biri i këtij vendi që ende e do Kërçovën me shpirt, u drejtohem bashkëvendasve të mi:
Zgjohuni dhe jepni dënimin moral e qytetar që nga dita e diel, më 19.10.2025, dhe votoni për njeriun familjar dhe kombëtar – Fatmir Beqir Limani.

Sepse heshtja dhe përkrahja janë bashkëfajësi. Kush hesht dhe kush e përkrah padrejtësinë, në fakt e përkrah të keqen dhe e humb të drejtën të ndihet krenar për Kërçovën tonë — vendin ku kemi lindur, që e duam dhe me të cilin duam të ndihemi krenarë si Kërçovarë.

Kërçova meriton më shumë!
Meriton nder, jo turp.
Meriton udhëheqës, jo sundues.
Shkruan: mërgimtari nga Zvicra që do të mbetet anonim por redaksia i ka informatat.

/ms