“Një Sofër, Një Zemër – Kërçovarët të Bashkuar”

E shtuna në mbrëmje ishte një natë e veçantë në Oda Kërçovare Zvicër në Cyrih.
Në sofrën e saj u bashkuan të gjitha shoqatat kërçovare në Zvicër, duke sjellë me vete shpirtin e bashkimit dhe përkushtimit ndaj traditës sonë të vyer, prandaj isha tejët i nderuar me ftesën.

Në një atmosferë vëllazërore, u shpalosën ide të ndryshme për ta bërë këtë rrugëtim më të lehtë dhe më të fuqishëm. U diskutua për mënyrat më të mira të bashkëpunimit, gjithmonë me synimin e vetëm – forcimin e komunitetit tonë dhe krijimin e një themeli të fortë për gjeneratat që vijnë pas nesh.

Pas takimit, siç na ka hije, u ndez kënga shqiptare, me theks të veçantë ajo kërçovare, duke e kurorëzuar mbrëmjen me tingujt e traditës dhe dashurinë për vendlindjen.

Ishte një kënaqësi të ndanim këtë moment me emra të nderuar si: kryetari i Odës, Haki Ajroja , Argjend Lika , Mefmet Çupi, Gazmend Limani, Bashkim Baftiri, Afrim Limani nga Sh.Zhubrina, Dehar Sadikuu nga Sh.Kërçova, Dritan Dalipi nga Sh.Shitova, Xhevahir Ramadani dhe Atem Bexheti nga Sh.Greshnica, Shpëtim Spahiu nga Sh.Cërvica, Burim Nuredini nga Shoqata Zajazi, Sadin Emini Seadin nga Sh.Leshnica, Argjend Lika nga Sh.Tuhini, Enver Ibrahimi, Sefer Seferi dhe Vullnet Ilazi nga Xh.Kërçova, Sadik Jahoja nga Sh.Kollara, Xhevdet Spahiu dhe shumë të tjerë që me praninë e tyre i dhanë peshë dhe vlerë këtij takimi.

Ky është vetëm fillimi i një rruge të përbashkët, ku vlerat tona do të ruhen, do të përcillen dhe do të forcohen, ashtu siç e ka merituar gjithmonë Kërçova dhe bijtë e saj.
Shkruan Florim Useini

/ms