Një mjek u rrah brutalisht jashtë orarit të punës !

Spitali Klinik i Tetovës ka reaguar lidhur me rastin e raportuar së fundmi, ku një mjek është sulmuar fizikisht, duke sqaruar se ngjarja nuk ka ndodhur brenda ambienteve të spitalit dhe nuk lidhet me detyrën zyrtare të personelit mjekësor.

Sipas reagimit zyrtar, bëhet fjalë për një incident që ka ndodhur jashtë institucionit dhe jashtë orarit të punës, ndërsa deri më tani nuk ka informata të sakta për shkaqet që kanë çuar deri te rrahja brutale, njofton TS.

Nga spitali theksojnë se rasti është i karakterit privat dhe nuk ndërlidhet me procesin e punës në institucionin shëndetësor.

“Rasti nuk lidhet me procesin e punës apo me detyrën zyrtare të personelit mjekësor, por bëhet fjalë për një çështje private që ka ndodhur jashtë institucionit dhe jashtë orarit të punës”, thuhet në reagimin e spitalit.

Autoritetet pritet të dalin me më shumë detaje lidhur me rastin, ndërsa opinionit publik i bëhet thirrje që të mos spekulojë deri në zbardhjen e plotë të ngjarjes.

/ts