Një histori që lidh zemra dhe breza – Klubi Futbollistik “Bashkimi” dhe familja Sejdini

Në fshatin tonë të vogël në Kërçovë, ku bujaria dhe guximi kanë qenë gjithmonë pjesë e shpirtit të komunitetit, në vitin 1974 u formua Klubi Futbollistik “Bashkimi” – klubi i parë në Komunën e Kërçovës. Ky ishte një hap i madh për një fshat si yni, ku rinia u mbështet dhe sporti u bë simbol i bashkimit dhe shpresës.

Në një kohë të vështirë, nën një regjim të ashpër komunist, përballja me padrejtësitë dhe sfidat ishte e pashmangshme. Megjithatë, klubi ynë mbijetoi falë vullnetit të madh të banorëve dhe ndihmës së sponsorëve bujarë. Njëri ndër ata sponsorë të mëdhenj ishte Qamil Sejdini, i cili me zemër të bardhë mbështeti klubin Fudbollistik Bashkimi.

Trashëgimia e tij u përcoll te djali i tij, Muamed Sejdini, i cili në atë kohë ishte shumë i ri.Kur klubi arriti kulmin e tij në vitet 1994/95, duke hyrë në Ligën e Rajonit Jugperëndimor të Maqedonisë, Muamedi luajti një rol kyç si sponsor, duke vazhduar traditën e familjes Sejdini.

Sot, Muamed Sejdini është Kryetar i Federatës së Futbollit të Maqedonisë së Veriut, një arritje e madhe që na mbush me krenari. Ai arriti sukseset e paimagjinuara për fudbollin e Maqedonis, duke marrë pjesë në Europjanin e vitit 2021, gjithashtu fitoi Italin në Palermo, në kulifikimet për Botnotin e vitit 2022.Ajo që e bën këtë histori edhe më të veçantë është fakti që, pas 30 vitesh, ai kthehet si mbështetës në turneun tonë në Zvicër, duke dëshmuar se lidhja e tij me klubin dhe fshatin tonë është një lidhje zemre dhe shpirti.

Ne, si fshat dhe si Klubi “Bashkimi”, i shprehim mirënjohjen tonë të thellë Muamed Sejdinit dhe familjes së tij për kontributin e jashtëzakonshëm që kanë dhënë ndër vite. Humanizmi dhe ndihma e tyre nuk do të harrohen kurrë, por do të mbeten gjithmonë pjesë e historisë dhe kujtesës sonë.

Faleminderit nga zemra, Muamed Sejdini!
Shkruar nga Islam Spahiu

/ms