Një hap larg përplasjes ushtarake: Turqia zbuloi avionët izraelitë pranë kufirit !

Një incident i rrezikshëm në hapësirën ajrore pranë kufirit turk ka ngritur shqetësime për një përplasje të mundshme mes Turqisë dhe Izraelit.
🇹🇷✈️🇮🇱 Sipas të dërguarit të posaçëm amerikan për Sirinë, Tom Barrack, sistemet e radarëve turq zbuluan avionë luftarakë izraelitë që po lëviznin drejt veriut, në drejtim të territorit turk, pas një sulmi izraelit ndaj bazës ajrore Ebu el-Duhur në Siri.

⚠️ Problemi kryesor ishte se Ankaraja nuk ishte njoftuar paraprakisht për operacionin izraelit. Për shkak se forcat turke nuk e dinin qëllimin e avionëve që po afroheshin, sipas Barrack, Turqia mund të ketë filluar përgatitjet për një përgjigje të mundshme ushtarake.
Situata krijoi rrezik real që forcat turke dhe izraelite të përballeshin drejtpërdrejt.

🗣️ Barrack tha se tensioni u vu nën kontroll para se të përshkallëzohej, duke theksuar se “gjakftohtësia e pengoi situatën të përkeqësohej”.
🇺🇸 Pas incidentit, sipas tij, Turqia po punon për krijimin e një mekanizmi për shmangien e përplasjeve mes Turqisë, Izraelit dhe SHBA-së, me qëllim që operacione të ngjashme të mos shkaktojnë incidente ushtarake në të ardhmen.

🎥 Incidenti tregon edhe një herë sa e brishtë mbetet situata në Siri, ku operacionet ushtarake të aktorëve të ndryshëm mund të sjellin përshkallëzim të shpejtë rajonal.

/ms