Një dekadë suksesi nën drejtimin e Dr. Kujtim Kasamit në SHFQ “Milto Gurra”
Nga 27 gushti 2013 deri më 20 janar 2026, Dr. Kujtim Kasami, në cilësinë e drejtorit të SHFQ “Milto Gurra” në Garanë – Strellcë, me shkolla periferike në Cërvicë dhe Shutovë, ka udhëhequr një transformim të thellë infrastrukturor, arsimor dhe organizativ. Gjatë kësaj periudhe janë realizuar projekte kapitale madhore, përfshirë ndërtimin e sallës sportive shkollore, objekteve të reja në Cërvicë, stadiumeve të futbollit dhe volejbollit, terreneve sportive me bar artificial dhe këndeve të lojërave për fëmijë.
Është rikthyer toka në pronësi të shkollës, janë rregulluar parqe, parkingje, rrethojë mbrojtëse, veranda të reja dhe janë modernizuar nyjet sanitare. Një risi e rëndësishme është instalimi i termocentraleve fotovoltaike, duke kontribuar në efikasitetin energjetik dhe qëndrueshmërinë mjedisore.
Paralelisht me investimet infrastrukturore, është përmirësuar ndjeshëm cilësia e procesit mësimor, janë pajisur kabinetet shkencore, bibliotekat shkollore dhe janë organizuar trajnime profesionale për stafin. Janë zhvilluar aktivitete kulturore, sportive, ekskursione edukative dhe iniciativa që promovojnë multikulturalizmin dhe integrimin ndëretnik.
Me investime mbi 1 milion euro brenda një dekade dhe me zero borxhe në fillim të vitit 2026, SHFQ “Milto Gurra” sot përfaqëson një model të menaxhimit modern dhe të suksesshëm arsimor.
/votra
