Një 23 vjeçar goditi me veturë një vajzë 11-vjeçare !

Një njëzet e tre vjeçar nga Shkupi, duke drejtuar veturën Audi, goditi një vajzë 11-vjeçare mbrëmë në bulevardin Hrstijan Todorovski-Karposh në Çair të Shkupit, njoftoi Ministria e Punëve të Brendshme (MPB), transmeton Portalb.mk.
Vajza pësoi lëndime të rënda dhe u dërgua në Qendrën Klinike në Shkup për trajtim.

“Më 5 gusht 2025 në orën 22:00, SPB Shkup raportoi se në bulevardin Hrstijan Todorovski-Karposh në Shkup, një automjet pasagjerësh Audi me targa të Shkupit i drejtuar nga F.F. (23) nga Shkupi goditi një të mitur 11-vjeçare nga Shkupi”, thuhet në njoftimin e policisë.

Ekipet e SPB Shkup kryen inspektimin e vendit të ngjarjes.

/portalb