Nis operacioni tokësor në Iran, ja Plani -Turqia gati për luftë? Libani drejt luftës civile

Nis një fazë e re dhe shumë më e rrezikshme e konfliktit në Lindjen e Mesme. Pas valës së bombardimeve ajrore nga SHBA dhe Izraeli ndaj objektivave strategjikë në Iran, raportimet flasin për përgatitje të një operacioni të mundshëm tokësor që mund të ndryshojë krejtësisht rrjedhën e luftës.

Ndërkohë tensionet po përhapen në gjithë rajonin: Turqia është përfshirë indirekt pasi sistemet e mbrojtjes së NATO-s rrëzuan një raketë iraniane pranë hapësirës së saj ajrore, duke ngritur frikën për përfshirje të drejtpërdrejtë të Ankarasë në konflikt.

Në të njëjtën kohë, fronti po zgjerohet drejt Libanit, ku përplasjet mes Izraelit dhe Hezbollahut kanë intensifikuar bombardimet dhe po shtojnë rrezikun e një lufte të re civile në vend. Analistët paralajmërojnë se konflikti mund të përhapet në të gjithë rajonin, me sulme ndaj bazave amerikane dhe objektivave strategjike në disa shtete të Gjirit.

Me mijëra objektiva të goditura dhe qindra viktima në ditët e para të luftës, ekspertët thonë se nëse nis një ofensivë tokësore në territorin iranian, Lindja e Mesme mund të hyjë në një fazë edhe më të rrezikshme që mund të zgjasë për javë apo edhe muaj.

/ms