Nis evakuimi i shtetasve të Maqedoninsë nga Lindja e Mesme

Grupi i parë i qytetarëve të evakuuar nga Lindja e Mesme pritet të arrij sot. Kryeministri Hristijan Mickoski bëri me dije se ditët në vijim janë organizuar edhe 4 fluturime charter dhe se kanë mbetur edhe disa vende të lira për qytetarët që duan të kthehen.

Hristijan Mickoski, kryeministër
“Ajo që ne mbetemi të fokusuar, është grupi i parë i qytetarëve tanë që sot duhet të vijnë nga Dubai në Shkup, grupi I parë që e evakuojmë. Kjo do të vazhdojë edhe ditët në vijim, pra qytetarë tanë që vijnë nga Dubai në Shkup. Kemi organizuar charter-e nga Arabia Saudite në Shkup, ata duhet ti pranojnë qytetarët tanë nga Katari dhe Kuvajti, ato pres që të vijnë të mërkurën. Kështu që kemi organizuar 4 fluturime charter-e, kanë ngelur edhe disa dhjetëra vende të lira”.

Mickoski tha se edhe disa vende të rajonit i kanë lutur që të marrin edhe qytetarë të tyre për në Maqedoni.
Ndërkohë Ministria e Punëve të Jashtme njoftoi se se kanë lidhur marrëveshje me një kompani ajrore, në përputhje me Ligjin për Prokurim Publik, dhe sipas planit të përcaktuar dhe dinamikës së parashikuar, pritet që të gjithë qytetarët që kanë shprehur gatishmërinë për t’u kthyer, do të evakuohen deri në mesin e javës së ardhshme.

Ministria e Punëve të Jashtme
“Procesi është koordinuar plotësisht nga Ministria dhe përfaqësitë diplomatike dhe konsullore në rajon. Përfundimi i procedurës së prokurimit publik është një konfirmim i veprimit në kohë dhe me përgjegjësi drejt mbrojtjes dhe kujdesit për qytetarët e Maqedonisë”.

Sipas të dhënave të fundit, Ambasada në Doha është kontaktuar nga 150 shtetas maqedonas, nga të cilët 95 kanë shprehur gatishmërinë për evakuim. Ambasada në Abu Dhabi është kontaktuar nga gjithsej 585 persona që banojnë në Emiratet e Bashkuara Arabe, si dhe 36 persona nga Kuvajti, 15 nga Bahreini dhe 5 nga Mbretëria e Arabisë Saudite.

/shenja