Nga Tradita Kërçovare – Poezi nga Isnije Dervishi – Amiti

Siç i kanë trojet shqiptare,
Traditat e tyre kombëtare,
I ka dhe treva kërçovare,
Por, dallojnë pak në tipare.

Bëhet fjalë për ato dasmore,
Janë tradita stërgjyshore,
Që s`i lëmë kurrë pas dore,
Ndër breza zbatohen prore.

Fillon me dasmën e fejesës,
Pastaj pason ajo e martesës,
Nuset t`enjten i kanë marrë,
Nuset vinin duke qarë!

Ishin të ndarë gra e burra,
Nuset s`mirreshin me vetura,
Me qerre fshati jo e zbuluar,
Por, me qilima e mbuluar.

Nusja, dhëndrri të buzqeshur,
Solemnikisht të dy të veshur,
Me veshje kombëtare,
Me ate tipike kërçovare.

E premtja ishte dita e grave,
Dorë për dore hidhnin valle,
Nuses këngë i këndonin,
Me dahire i shoqëronin.

Përveç dasmës së nusërisë,
Bëheshin dasmat e synetisë,
Siç ka qenë dikur traditë,
Me kuaj fëmijët i kanë shteitë.

Si kërçovarë na takon neve,
Të ruajmë traditat e kësaj treve,
Siç është zakon t`i zbatojmë,
Brez pas brezi t`i trashigojmë.

Kërçovë, Isnije Dervishi – Amiti

/ms