Nga “meritë partiake” te “funksionim institucionesh” Shkruan Mazllam Osmani

VLEN nuk duhet ndërtuar për të prodhuar fitues e humbës të brendshëm, por për të ndërtuar një model pushteti me një kulturë të re bashkëpunimi.
Prandaj, suksesi lokal i Alternativa – Kërçovë duhet parë si hap i përbashkët përpara, me bindjen se stabiliteti i koalicionit është parakusht për suksesin e secilit subjekt brenda tij.

Në këtë frymë, fokusi ynë nuk është se “kush mori më shumë”, por:
1. A po funksionojnë institucionet më mirë,
2. A po përmirësohet shërbimi ndaj qytetarëve, dhe
3. A po vendoset një standard i ri përgjegjësie publike.

Çdo subjekt brenda VLEN-it ka kontributin e vet dhe përgjegjësitë që ka marrë përsipër. Diversiteti i brendshëm nuk është dobësi, por pasuri politike aq më shumë nëse menaxhohet me respekt dhe koordinim.
Emërimet institucionale në arsim janë produkt i një marrëveshjeje të përbashkët dhe i një qasjeje që synon stabilitet, profesionalizëm dhe normalizim të institucioneve.

/ms