Netanyahu: Lu’ftimi në Gaza vazhdon..!?

Kryeministri izraelit, Benjamin Netanyahu, ka thënë të mërkurën se nëse Hamasi nuk liron pengjet e mbajtura në Gaza, presioni do të rritet dhe mund të përfshijë “marrjen e territorit” në Rrip.

“Luftimi në Gaza vazhdon. Sa më shumë që Hamasi të këmbëngulë në refuzimin e tij për të liruar pengjet tanë, aq më i fuqishëm do të jetë presioni që ne do të ushtrojmë”, ka thënë Netanyahu gjatë një fjalimi në Knesset.

“Unë gjithashtu i them Hamasitm, kjo përfshin marrjen e territorit, dhe kjo përfshin gjëra të tjera që nuk do t’i shtjelloj këtu”, ka shtuar ai.
Izraeli është zotuar të përshkallëzojë luftën derisa Hamasi të kthejë 59 pengjet që mban ende, 24 prej të cilëve besohet se janë gjallë.

Izraeli po kërkon gjithashtu që grupi të heqë dorë nga pushteti, të çarmatoset dhe të dërgojë liderët e tij në mërgim.
Hamasi ka thënë se do të lirojë vetëm robërit e mbetur në këmbim të të burgosurve palestinezë, kërkon një armëpushim të qëndrueshëm dhe një tërheqje izraelite nga Gaza.

Lufta u shkaktua nga sulmi i Hamasit në Izrael më 7 tetor 2023, në të cilin militantët palestinezë vranë rreth 1200 njerëz, kryesisht civilë dhe rrëmbyen 251.
Hamasi ka thënë se vetëm një pjesë e vogël e komandantëve të saj të lartë e dinin për sulmin para kohe.
Ofensiva hakmarrëse e Izraelit ka vrarë mbi 50,000 njerëz, sipas ministrisë së Shëndetësisë të Gazës.

/tv21