Nesër protesta në Shkup: OVL-UÇK pret 20 mijë pjesëmarrës !

Një ditë para protestës së 13 dhjetorit në Shkup, OVL-UÇK ka intensifikuar mobilizimin në Kosovë dhe Maqedoninë e Veriut, duke paralajmëruar pjesëmarrje të gjerë në mbështetje të ish-krerëve të UÇK-së që po gjykohen në Hagë. Kryetari Hysni Gucati tha se priten rreth 20 mijë protestues dhe se mbështetja vjen nga të gjitha partitë politike, si edhe nga disa kryetarë komunash.

Ai u bëri thirrje partive që të kontribuojnë në mobilizimin qytetar për mbrojtjen e vlerave çlirimtare.
Koalicioni VLEN ka reaguar gjithashtu për protestën. Përfaqësuesi Zeqirija Ibrahimi tha se UÇK-ja është vlerë kombëtare dhe nuk duhet të keqpërdoret politikisht. Ai akuzoi Ali Ahmetin se po e përdor UÇK-në për përfitime elektorale dhe se partitë që sot e paraqesin protestën si patriotike nuk kanë bërë asgjë për familjet e dëshmorëve apo të akuzuarit në Hagë sa kanë qenë në pushtet.

VLEN thotë se mbështet çdo tubim që synon mbrojtjen e vlerave të UÇK-së, por kundërshton çdo tentativë për ta përdorur atë për interesa politike.

/ina