Nëse Fatmir Dehari e do Kërçovën dhe shqiptarët duhet të japë dorëheqje! Shkruan Doc. Dr. Gjyla Çeliku

Nëse Fatmir Dehari me të vërtetë e do Kërçovën dhe shqiptarët, atëherë ai duhet publikisht të deklarojë se pas fitores do të japë dorëheqje.
Sepse ai ka shkelur ligjin, ka shkelur Kanunin dhe ka keqpërdorur pozitën, komunën dhe dinjitetin e femrave të punësuara aty.

Dashuria për vendin nuk dëshmohet me fjalë, por me moral, përgjegjësi dhe nder.
Diaspora jonë, nëse vërtetë e do Uskanën dhe e vlerëson nderin e femrës shqiptare, ka obligim moral dhe kombëtar që në çdo apel për unifikim vote të kërkojë të njëjtën gjë:
– përgjegjësi publike,
– transparencë,
– dhe respekt për moralin që na identifikon si shqiptarë.

Në frymën e Kanunit, fyerja, shpifja apo përgojimi i një gruaje nuk është vetëm cenim ndaj saj si individ, por plagë e rëndë për gjithë shoqërinë e kombin.
Sepse gruaja shqiptare, qoftë nënë, motër apo bijë, ajoështë pasqyrë e moralit dhe e dinjitetit njerëzor.
Sot, nuk kemi nevojë t’i kthehemi ashpërsisë së Kanunit, por vlerave morale që ai mbartte:
– respektit për gruan,
– mbrojtjes së nderit të saj,
– dhe dënimit shoqëror ndaj çdo poshtërimi që prek integritetin e femrës.

Le të mos harrojmë:
“Kur cenohet ndera e një gruaje, nuk turpërohet vetëm ajo, turpërohet gjithë shoqëria, turpërohet shqiptaria”,Kanuni i Lekë Dukagjinit.
Kisha vendosur të hesht, por rrethanat nuk më japin më qetësi pas gjithë skandaleve dhe përgjimeve që kanë dalë.
Femra është amanet që ruhet, vlerësohet dhe respektohet.

Dhe nëse një kandidat shqiptar për kryetar komune nuk mund të kontrollojë epshet e tij ndaj femrave, atëherë mund të marrë votën time vetëm nëse deklarohet publikisht se në administratën e tij do të punësojë vetëm burra.
Doc. Dr. Gjyla Çeliku
Kërçovare 🇦🇱

/ms