Nënë e bijë gjenden të pajetë/ Letra e lamtumirës : Po marr me vete vajzën..(FOTO)

Të gjetura të pajeta në litar në shtëpinë e tyre të fshatit në Santo Stefano të Camastra, në Messinese, Itali.
Mariolina Nigrelli, 40 vjeçe dhe vajza e saj Alessandra ishin larguar bashkë, siç kishte ndodhur disa herë.

Trupat i ka gjetur bashkëshorti i gruas dhe babai i vajzës, i cili ka thirrur karabinierët.
Dyshohet se ato i kanë dhënë fund jetës.

Të dyja duket se janë larguar dje pasdite herët, por nuk janë përgjigjur në telefon gjatë gjithë kohës.
I dyshimtë, bashkëshorti i 40 vjeçares ka shkuar me makinen e tij në shtëpinë e fshatit.

Pastaj ka arritur të futet në shtëpi, duke zbuluar trupat e të dyjave.
Mariolina Nigrelli ka lënë në tavolinën e banesës një letër të gjatë lamtumire në të cilën shpjegon gjestin e saj.

“Po e marr me vete Alessandra-n” shkruante duke folur për vështirësitë e saj.
14 vjeçarja frekuentonte klasën e 8-të në Santo Stefano në Camastra.

Burri i Mariolinës u ka treguar hetuesve marrëdhëniet jo të mira me bashkëshorten kohët e fundit.
Postimi në Facebook dhe shqetësimet për të bijën

Duke parë profilet e rrjeteve sociale të gruas, duket e qartë sipas hetuesve se Mariolina ka qenë e shqetësuar në ndonjë mënyrë për të bijen.
“Disa fëmijë nuk do të kuptojnë asnjëherë lutjen e heshtur të një prindi që të paralajmëron për diçka. – shkruante në profilin e saj Facebook pak ditë para ngjarjes – Kur një prind të kërkon që të mos pish duhan, po të kërkon vetëm të jetosh më shumë se ai.

Kur një prind të kërkon të mos dalësh me persona të caktuar është vetëm se ato persona mund të të bëjnë keq.

Kur një prind të merr disa herë në telefon, nuk e bën se dëshiron të të bezdisë, është vetëm se shpirti i tij qetësohet kur të di në shtëpi shëndosh e mirë.

Një prind nuk të jep asnjëherë më të keqen dhe as nuk ta uron.
Një prind të do e të përgjërohet të kesh një jetë më të mirë se sa e tija“.

Në postim kishte shtuar edhe një shprehje në dialekt:
“Thuhet në fakt shoqërohu me ata më të mirë se ti. Ma shpifni”.

Sipas çfarë është treguar nga familjarë të 40 vjeçares, Mariolina ishte shumë e kuptueshme me vajzen e saj.
“Muajt e fundit ishte shumë e shqetësuar për Alessandra-n – kanë shpjeguar për hetuesit gjatë marrjes në pyetje.

Ishte edhe zënë me nënat e shoqeve të ndryshme të shkollës së 14 vjeçares”.
Vajza kishte probleme në shoqërimin me moshatarët e saj dhe Mariolina i jetonte me shqetësim të madh këto vështirësi të saj, aq sa të ndërhynte më shumë se një herë në klasën e saj./

FOTO:

Përktheu: allnews.al