Në Shqipëri është identifikuar rasti i parë i lisë së majmunëve..!?

Në Shipëri është konfirmuar rasti i parë i lisë së majmunëve, sëmundje ngjitëse e diagnostikuar te një i ri i moshës tridhjetë vjeçare Sipas medias, pacienti është izoluar menjëherë pas konfirmimit të diagnozës.

Autoritetet shëndetësore janë mobilizuar për të gjurmuar kontaktet e tij dhe për të parandaluar përhapjen e mëtutjeshme të sëmundjes.
“I riu ka udhëtuar jashtë vendit, të paktën kjo është ajo që ka treguar para mjekëve të cilët e lidhin këtë të fundit si shkak infektimi, pasi deri më tani në Shqipëri nuk kanë identifikuar ose të paktën nuk janë raportuar nga Instituti i shëndetit publik raste të prekura nga lija e Majmunit”,bën të ditur televizioni.

Simptomat e kësaj sëmundje janë temperaturë, dhimbje trupi, ënjtje të nyjave limfatike, skuqje dhe puçrra që shndërrohen në flluska me kore. Ato dalin zakonisht në duar, fytyrë dhe organe gjenitale. Lija e majmunëve përhapet nga kontakti i drejtpërdrejtë me personat e infektuar siç është kontakti me lëkurë apo marrëdhënie intime.

Por, një person mund të infektohet edhe nga kontakti i objekteve të kontaminuara si çarçafët, peshqirët apo rrobat

/koha.mk