Në Maqedoni të mbajnë drejtor me zor..!?

Në Maqedoni të mbajnë drejtor me zor? Edhe pse Fatlind Ajdini, ushtrues i detyrës drejtor i Qendrës për Kulturë në Tetovë, ka dorëzuar dy herë dorëheqje në Ministrinë e Kulturës, në asnjërin rast nga kjo Ministri nuk ia kanë pranuar dorëheqjen, gjithashtu nuk i kanë dhënë asnjë sqarim pse nuk e lejojnë që ta lëshojë këtë post. Sipas Ajdinit arsyeja e dorëheqjes është se kjo Qendër nuk mund të menaxhoj me projektin e Teatrit dhe Bibliotekës së Tetovës.

“Unë që në fillim të mandatit pasi dështoi konkursi për zgjedhjen e drejtorit unë si ushtrues detyre dorëzove dorëheqjen deri tek ministri, dhe në dorëheqjen e dytë që ia dorëzove Ministrisë së Kulturës, gjegjësisht ministrit, nuk kam akoma asnjë përgjigje. TV21: Në radhën e parë ju kanë dhënë përgjigje?

Jo as në radhën e parë as në radhën e dytë. Arsyeja për dorëheqjen time janë mos mundësi për të menaxhuar me projektin e madh të Teatrit dhe Bibliotekës së Tetovës, është një ndër investimet më të mëdha buxhetore për vitin 2021 dhe i është dhënë në dorëzim një institucioni të vogël siç është Qendra e Kulturës, e cila nuk ka kapacitete, kuadro për të menaxhuar një projekt kaq të madh, dhe kjo është arsyeja kyçe dhe e vetme për dhënien e dorëheqjes”, tha për TV21 Fatlind Ajdini –u.d. i drejtorit Qendrës për Kulturë Tetovë.

/ts