Në Kërçovë u mbajt duaja e nijetlinjve për Haxhin 2026

Sot në Xhaminë Qendrore “Sulltan Beyazit” në Kërçovë u mbajt ceremonia e duasë për haxhilerët e Myftinia e Kërçovës, të cilët këtë vit do të udhëtojnë drejt vendeve të shenjta për të kryer Haxhin, kushtin e pestë të Islamit.

Myftiu i Kërçovës, Qamil ef. Rushiti, përshëndeti nijetlinjtë dhe familjarët e tyre, duke folur për rëndësinë dhe obligueshmërinë e Haxhit, si dhe për përjetimet shpirtërore të besimtarëve gjatë qëndrimit në vendet e bekuara.

Pas ceremonisë, në hapësirat jashtë xhamisë, aktivistët e xhamisë dhe “Te Berza” kishin organizuar ushqim për nijetlinjtë, duke e përmbyllur aktivitetin në atmosferë vëllazërore dhe festive. U përcollën urime që Haxhi t’u pranohet dhe t’u lehtësohet rrugëtimi.

/tvgurra