Në Kërçovë do të zhvillohet dezinsektimi kundër mushkonjave

Komuna e Kërçovës i njofton qytetarët se më 08 dhe 09 korrik (e mërkurë dhe e enjte), duke filluar nga ora 20:00 deri në orët e hershme të mëngjesit, ekipe profesionale nga Qendra për Shëndet Publik – Manastir do të kryejnë dezinsektim në terren, përkatësisht spërkatje kundër mushkonjave, në tërë territorin e Komunës së Kërçovës.

U bëhet apel qytetarëve që gjatë kësaj periudhe të shmangin qëndrimin e panevojshëm në ambiente të hapura, veçanërisht në afërsi të zonave ku do të kryhet trajtimi.

Njëkohësisht, bletarët luten që me kohë t’i ndërmarrin masat e nevojshme për mbrojtjen e familjeve të bletëve.
Ju falënderojmë për mirëkuptimin dhe bashkëpunimin.

/ms