Alarmante: Ndotje e rëndë e ajrit në Maqedoni !

I ftohti, mjegulla dhe ndotja e lartë e ajrit përfshinë këtë mëngjes Shkupin dhe shumë qytete të tjera në Maqedoninë e Veriut, përfshirë Manastirin, Kërçovën, Tetovën, Kumanovën, Velesin dhe Ohrit. Pothuajse asnjë stacion matës nuk regjistron ajër të pastër, ndërsa vlerat e grimcave PM10 dhe PM2.5 janë shumë mbi kufijtë e lejuar, një problem që përsëritet çdo dimër.

Në Shkup, ndotja është vlerësuar si “shumë e keqe”, me përqendrime alarmante të grimcave PM. Situatë e ngjashme raportohet edhe në qytete të tjera, veçanërisht gjatë natës. Sipas të dhënave të dhjetorit, shumica e stacioneve kanë regjistruar tejkalime të shpeshta të vlerave maksimale.

Sipas platformës “IQ Air”, Shkupi renditet ndër qytetet më të ndotura në Evropë dhe botë, me ajër të klasifikuar si “i pashëndetshëm”, ku ndotësi kryesor janë grimcat PM2.5, shumë herë mbi rekomandimet e OBSH-së.

Ekspertët paralajmërojnë për pasoja serioze në shëndet, sidomos gjatë dimrit për shkak të ngrohjes. Ministria e Mjedisit ka vënë në funksion një portal dhe aplikacion të ri për monitorimin në kohë reale të cilësisë së ajrit.

/portalb