Ndërron jetë nga Covid-19 mërgimtari që kishte ardhur për pushime..Ngushllime familjes

Ka ndërruar jetë një 35-vjeçar nga Tetova, i cili jetonte në Gjermani. Ai ishte një ndër personat që humbën jetën nga Covid-19 gjatë 24 orëve të fundit në Maqedoni, raportojnë mediat lokale, përcjell Albinfo.ch.
I ndjeri është Bunjamin Arifi nga Orasha e Tetovës, i cili po jetonte dhe punonte në Leverkusen të Gjermanisë.

Lajmin për vdekjen e tij e kanë përcjellë shumë miq të tij përmes rrjeteve sociale.
Bunjamin Arifi ishte një aktivist i dalluar në mesin e komunitetit, ai ushtronte detyrën e kryetarit të xhamisë në Leverkusen të Gjermanisë. Po ashtu i ndjeri ishte i njohur edhe për arritjet profesionale, duke qenë në pozitën e menaxherit të marketeve Lidl në Gjermani.

/albinfo