Ndërron jetë në moshën 100 vjeçare ish presidenti i SHBA, Jimmy Carter..

Ish-presidenti amerikan Jimmy Carter, fitues i Çmimit Nobel për Paqen, ka vdekur në moshën 100 vjeçare. Carter, i cili shërbeu si presidenti i 39-të i SHBA nga viti 1977 deri në 1981, vdiq të dielën në Plains, Georgia.

Carter ishte presidenti më jetëgjatë në historinë e SHBA. Pasi mposhti presidentin e atëhershëm Gerald Ford, ai udhëheqi vendin, por qëndrimi i tij në Shtëpinë e Bardhë zgjati vetëm një mandat.

Edhe pse ai u rikonfirmua si kandidat presidencial, duke mbizotëruar në zgjedhjet paraprake demokrate ndaj senatorit Ted Kennedy, në zgjedhjet presidenciale të vitit 1980 ai u mund nga Ronald Reagan.

Megjithatë, pas mandatit të tij, ai vazhdoi karrierën e tij të jashtëzakonshme post-presidenciale. Jimmy Carter i kaloi dekadat pas drejtimit të Shtëpisë së Bardhë duke u fokusuar në marrëdhëniet ndërkombëtare dhe të drejtat e njeriut, përpjekje që i dhanë atij çmimin Nobel për paqe në vitin 2002.

Në vitin 1982 u themelua Qendra Carter, për të “promovuar dhe zgjeruar të drejtat e njeriut”, duke filluar të udhëtojë në mbarë botën për të zhvilluar negociata për paqen, për të monitoruar zgjedhjet dhe për të promovuar parandalimin dhe çrrënjosjen e sëmundjeve në vendet në zhvillim.

Në daljen e tij të fundit publike dy muaj më parë, Carter festoi ditëlindjen e tij të 100-të në kopshtin e shtëpisë së tij në Georgia me familjen dhe miqtë. Carter jetoi në bujtinë që nga shkurti i vitit 2023, kur gruaja e tij, Rosalyn, vdiq në moshën 96-vjeçare nëntorin e kaluar.

/ina