Nafta në rritje, Maqedonia në alarm !?

Inflacioni në Maqedoni po ngadalësohet, por rritja e çmimeve të naftës në tregun botëror po krijon presion të ri. Çmimi i naftës Brent ka kaluar 100 dollarë për fuçi, duke u rritur ndjeshëm për shkak të tensioneve në Lindjen e Mesme dhe rrezikut për furnizimet përmes Ngushticës së Hormuzit.

Ekspertët paralajmërojnë se kjo mund të rrisë sërish inflacionin dhe çmimet e transportit dhe mallrave. Ndërkohë, disa vende në rajon kanë ndërmarrë masa për të zbutur goditjen, ndërsa në Maqedoni çmimet e karburanteve janë rritur (deri në 92 denarë për naftë).

Si vend me varësi të lartë nga importi i energjisë, Maqedonia mbetet e cenueshme. Nëse tensionet vazhdojnë, pritet rritje e mëtejshme e kostos së jetesës dhe rikthim i presioneve inflacioniste.

/ms