Na e bëni hallall ! Shkruan aktivisti Zeko Banushi

Ju bashkëqytetarë, të gjithë ju që u shau me themel, me nënë e babë, na e bëni hallall se ne po vijmë që prapë ta votojmë.
Ju gra, nëna e motra që ua lëshoi duart në nderin dhe moralin tuaj, na e bëni hallall se ne po vijmë dhe prapë do ta votojmë.

Ju baballarë e nëna të bijave që ua keqpërdori në vendin ku fitojnë kafshatën e gojës, na e bëni hallall se ne prapë do ta votojmë.
Uskanë, dashuria jonë e pashtershme, malli ynë i pashuar, vendi jonë që na mburr, na e bëj hallall se ne nuk dimë çka bëjmë.

Të xnjerrim mësim se Kërçova nuk dashurohet një herë në katër vjet, as cik e cak, e as tek e tuk, ose shkil e shko. Kërçovën ta duam çdo ditë, përgjithmonë.
Porosi për të ardhmen:
Kërçovën nuk e bën shqiptare një njeri me post!

Por kur ne do ta duam më shumë njeri tjetrin sesa partinë. Kur ne do ta duam më shumë Kërçovën sesa individin. Kur të mirën e Kërçovës do ta vendosim mbi interesin personal. Kur të gjithë ne si një trup i bashkuar do të frymojmë shqip.

/ms