Myftinia e Kërçovës cakton oraret e Teravisë dhe Sabahut për muajin e Ramazanit

Në ambientet e Myftinisë së Kërçovës u mbajt një takim pune me imamët e këtij territori, ku u diskutua rreth organizimit të aktiviteteve fetare gjatë muajit të shenjtë të Ramazanit. Në fokus të mbledhjes ishin aktivitetet edukative, organizative dhe harmonizimi i orareve të faljeve në të gjitha xhamitë e rajonit.

Pas diskutimeve, në mënyrë unanime u vendos që Namazi i Teravisë të falet në ora 19:30 në gjithë territorin e Myftinisë së Kërçovës, ndërsa ezani i Namazit të Sabahut të thirret 20 minuta pas imsakut.

Përfaqësuesit e Myftinisë theksuan rëndësinë e organizimit unik dhe koordinimit të aktiviteteve fetare, me qëllim që besimtarët të kenë lehtësi dhe unitet gjatë praktikimit të obligimeve fetare. Në përfundim, u shpreh lutja që besimtarët ta presin Ramazanin me përkushtim dhe harmoni shpirtërore.

/tvgurra