Myftinia e BFI – Kërçovë me Apel për maturantët..!?

Te nderuar maturantë e maturante ,prindër dhe arsimtarë, ju te gjithë keni para jush ditën e maturës, perfundimin e shkollimit të mesëm të djemve dhe vajzave tuaja.
Urojmë qe këtë moment ta perjetojmë si një moment suksesi, prosperimi e pjekurie, si një moment reflektimi te edukatës dhe mençurisë të përfituar nga ju gjatë nxënies së diturisë për katër vite me rradhë në bankat e shkollës së mesme.

Urojmë gjithashtu që ju këtë moment ta kuptoni si një stacion në rrugëtimin tuaj arsimor i përfunduar me sukses, pa harruar se stacionet e dijes dhe arsimimit nuk kanë fund. Preokupimi juaj tani duhet të jetë zgjedhja e një rrugëtimi të ri të cilin ju do të duhet ta bëni ne ngritjen tuaj akademike në të ardhmen.
Apelojmë deri te ju që kto momente feste ti kaloni në gëzim por me kujdes maksimal me urtësi e pjekuri.

Perderisa jeni në rrugën e dijes, jeni në rrugën e Zotit të Madhërueshëm , ju këshillojmë që të keni parasysh këtë fakt, festës suaj nuk I kanë hije veprime të cilat nuk i do Zoti i Madhërueshëm. Ju kërkojmë për hir të Zotit mos përdorni alkool, mos drejtoni automjete në mënyrë të shfrenuar, mos bëni veprime të papërmbajtura, ngase ju jeni shumë të rëndësishëm për ne, për prindërit, arsimtarët dhe shoqërinë tonë. Ju duhet të jeni model i njerëzve të shkolluar, të arsimuar dhe edukuar .

Mos nënvlersoni këshillat e prindërve dhe arsimtarve merrni ato si këshilla që burojnë nga zemra dhe kanë për qëllim Vetëm të mirën tuaj.
Nëse hidhëroni pridërit, ta dini që keni hidhruar Allahun Fuqiplotë.

Apelojmë te të gjithë faktorët në shoqëri që në këto ditë feste të maturantëve të jenë sa më syçelë dhe bashkarisht të mundohemi që kjo ngjarje të kalojë sa më mirë.
Asgjë nuk na nderon më shumë si shoqëri se sa vlerat morale, maturia, pjekuria, vetpërmbajtja, urtësia etj.
Lusim Allahun e Madhëruar që të na mbrojë. Shkruajn nga Myftinia e BFI – Kërçovë në facebook.

/ms