Mungojnë 6 mijë motra medicinale në Maqedoni..!?

Maqedonia e Veriut, sikur edhe vendet e rajonit, ka mungesë të motrave medicinale. Në këtë listë përfshihen edhe vendet tjera evropiane, raporton Telma, transmeton Portalb.mk.

Unioni i shoqatave të motrave medicinale, akushereve, stomatologëve të udhëhequra nga Shoqata “Për neve”, apelojnë që të hapen konkurs për punësimin e motrave medicinale, pasi nuk mjaftojnë 6 mijë motrat medicinale.

Ministria e Shëndetësisë për MIA informoi se në rrjedhë është punësimi i 240 motrave medicinale, duke shtuar se në periudhën e ardhshme planifikohet punësimi i dyfish më shumë motrave medicinale.

“Sipas të dhënave të Institutit për shëndetin publik, në Maqedoni ka 9 200 motra medicinale, që nënkupton se është shumë pak në krahasim me numrin e qytetarëve.

Në shtet mungojnë rreth 40 përqind e motrave medicinale, duhet të jemi 15 000 motra medicinale, nënkupton se mungojnë rreth 6 mijë”, deklaroi Gordan Beshlioski nga Unioni i shoqatave.
Raportohet se motrat medicinale së fundmi janë duke u zhvendosur për në Slloveni dhe Kroaci.

/portalb