Mundësi “shumë të mëdha” për sulme amerikane ndaj Iranit ?
Shtetet e Bashkuara kanë rritur praninë ushtarake në Lindjen e Mesme, duke dislokuar aeroplanë luftarakë, sisteme mbrojtjeje ajrore dhe aeroplanmbajtësen USS Abraham Lincoln me mbi 5.000 trupa. Ekspertët thonë se kjo lëvizje rrit tensionet me Iranin dhe i jep Uashingtonit më shumë opsione për veprime ushtarake.
Presidenti Donald Trump ka kërcënuar më herët Iranin me sulme ushtarake, ndonëse së fundi është tërhequr pjesërisht nga këto deklarata. Sipas ekspertëve, stërvitjet ushtarake amerikane në rajon mund të shërbejnë si paralajmërim ose edhe si mbulim për operacione reale.
Irani ka reaguar duke rritur gatishmërinë ushtarake dhe duke mobilizuar aleatët e tij rajonalë. Analistët paralajmërojnë se çdo sulm i SHBA-së do të mbartte rreziqe serioze, përfshirë hakmarrje ndaj bazave amerikane, Izraelit dhe transportit detar në Gjirin Persik, duke rrezikuar destabilizimin e gjithë rajonit.
/ms
