Mjeku i kërkon ryshfet pacientit, arrestohet nga policia..!

Më 28.01.2025, rreth orës 17:00, në ambientet e Spitalit Klinik të Manastirit, zyrtarët policorë të SPB Manastir kanë privuar nga liria M.S. (64), mjek në repartin e kirurgjisë në Spitalin Klinik të Manastirit.

Ai dyshohet se ka kryer veprën penale “marrje ryshfeti” sipas nenit 357 të Kodit Penal, konkretisht se pas përfundimit të një ndërhyrjeje kirurgjikale ka kërkuar dhe ka marrë ryshfet nga një person nga rajoni i Manastirit.

Tek ai janë gjetur dhe konfiskuar paratë, të cilat më parë ishin shënuar.
M.S. është mbajtur në stacionin policor dhe, pas dokumentimit të plotë të rastit, ndaj tij është ngritur kallëzim penal.

/ts