Misteri i vrasjeve në Kërçovë dhe detajet që i dinte vetëm gazetari !?

Gazetat e mediat kryesore të botës si CNN, BBC, El Pais dhe Le Parisien ia kishin mësyrë Kërçovës në Maqedoninë e Veriut rreth vrasjeve misterioze të disa të moshuarave. Qyteti i vogël dhe krejt Maqedonia ishin shtangur nga vrasësi serial që po bënte krime.

Dhe këtu doli në skenë Vlado Taneski që mendohej se ishte gazetari më i mirë i qytetit. Ai kryesisht shkruante për përditshmërinë e Kërçovës në gazetën “Nova Makedonija”.

Mirëpo prej vitit 2004 kronika e zezë u mbush me lajme për disa vrasje të çuditshme, fillimisht u vra një 64-vjeçare, pastaj dy të tjera dhe krejt në fund një 73-vjeçare.

Krejt këto ishin fqinje me njana-tjetrën dhe pastruese të qytetit.
Për hetuesit e detektivët e rastit, profili i vrasësit hamendësohej si dikush që jetonte afër tyre.

Vlado Taneski asokohe shndërrohet në yllin e gazetarisë, artikujt e tij janë veç për ballinë gazete, meqë ai ishte korrespodenti kryesor nga qyteti ku po ndodhnin vrasje të frikshme.

Artikujt e tij ishin jo veç raportime për rastin e vrasjeve, por edhe përshkrime për vrasjet, me detaje që nuk i kishin as hetuesit e Policisë. Ai kishte raportuar se si të moshuarat ishin ngufatur me kabllo të telefonave fiks.

Dhe të gjithë u befasuan kur vrasësi qëlloi se ishte vetë gazetari Taneski.
Në verën e vitit 2008, policia përfundimisht zbuloi se ADN-ja e gazetarit ishte e njëjtë me atë që ishte gjetur në trupin e viktimave të moshuara.
56-vjeçari vrau veten në qelinë e burgut pasi u zbulua se ishte i dyshuari kryesor për vrasjen e tyre.

/paparaci