Miqësia në mes familjeve Shabani dhe Hoti
Familja Shabani nga fshati Sërbicë e Kërçovës është e njohur në Kërçovë, trojet shqiptare, SHBA dhe më gjerë për bujarinë, atdhedashurinë, mikpritjen dhe humanizmin që e kanë treguar pjestarët e sajë si indivdë dhe si familje. Kontributet e tyre janë të shumëllojshme për çka njihen, respektohen dhe krijojnë miqësi të shumta.
Një ndër ato miqësi të cilat kanë hyrë në decenien e pestë është me familjen e Ukshin Hotit nga Krusha e Madhe (Kosovë) e cila vazhdon me vizitën e djalit Andi dhe nipit Etrit Hoti te familja Shabani.
Kush është Ukshin Hoti? Vlerësim mund të japin vetëm “të mëdhenjtë”:
Rexhep Qosja: “Ukshin Hoti – ky sot është simbol i vetëdijes historike, i ndërgjegjes dhe i qëndresës së pamposhtur shqiptare. Nuk është e çuditshme pse ky është emri më i kuptimshëm, më domethënës, më frymëzues në jetën tonë politike sot.
Dhe, kjo tregon se populli ynë e çmon, ashtu siç duhet, njeriun e gatshëm për sakrifica. Dua të besoj se Ukshin Hoti do të dijë ta mbajë si duhet domethënien gjithëkombëtare, që rrezaton sot emri i tij.”
Ismail Kadare: “Kam frikë se pikërisht ky nivel i lartë ka qenë edhe burim i fatkeqësisë, që e ka ndjekur hap pas hapi këtë martir… Është e papranueshme që një personalitet i një populli, pavarësisht se ç’partie i përket, ose nuk i përket, të mbahet në zinxhirë. Është fyerje për krejt atë popull. Më fort se kurrë, kombi shqiptar ka nevojë për njerëz të aftë e me nivel të lartë. Njerëzit e zotë janë princat e vërtetë të një kombi. Për fat të keq, princat goditen shpesh në mënyrë të vdekshme.”
Ndjehem i nderuar dhe shpreh kënaqësi të shumëfisht që takova pjesëtarët e familjes Shabani, njoftova Andin dhe Etrit Hotin me një shoqëri të zgjedhur në këtë takim siç janë: Dr. Ilmi Veliu, Dr. Fadil Bajrami, Dr. Kujtim Elezi, prof Qamil Aliun, afaristin Shpëtim Pinjolli dhe shumë të tjerë.
Miqësia është vlerë, vyrtyt njerëzorë i ndërthurur me respekt, sinqeritet dhe dashuri; pa i lënë vend interesit, hipokrizisë, mashtrimit, kushtëzimit . . .
Për këtë event i jamë mirënjohës Adi Shabanit duke i shprehur falenderim dhe respekt.
Shruar nga Ramazan Bajrami.
/ms
