Ministri Fatmir Limani uron vitin e ri

MOT’MOTI !
(aktivitetet e gjysëmvjetorit që lejm pas)
Njerëzimi me planifikime, për manifestin e ndërrim-motmoteve, pavarsisht standardit jetësor, statusit ekonomiko-social dhe familjarë, pozitës shoqërore, përkatësisë etnike dhe gjinore.., të gjithë kujtojnë e mendojnë se si natën të përshkojnë (shumica edhe s’do ta shijojnë).

Dikush tryezën përplot e me votrër-zjarr, rrethuar nga anëtarët e familjes, të përzgjedhurit e jetës dhe të dashurit e zemrës.
Të tjerë në sheshe dhe shoqëruar nga zhurma e fishekzjarreve, të cilat nxijnë qiellin e ndritur nga Yjet dritë-plotë.

Edhe të braktisurit, të vetëmuarit, të dëbuarit e të dënuarit do përshkojnë këtë natë, të pangrënë, të dëshpëruar dhe me ndjenjën si të pafat.
Do të përshkojnë ndërrimin e motmoteve edhe të hidhëruarit, të falurit, të maltretuarit, të ndarët, të çiftëzuarit, të dashuruarit, të mbarët dhe të vrarët !!!

Dikush do të gëzohet, lavdërohet, pikëllohet, shtohet dhe pakohet, por do të ketë edhe të tillë që do keqtrajtohet dhe ndëshkohet..
Andaj në këtë natë të kujtojm;

– të pangrënët, të pastrehët, të paveshurit, çiftet e ndara, jetimat, nënat me fëmijë të sëmurë e nëpër burgje, me fëmijë të zhdukur e të amëshuar…
Të kujtojm;
– të verbërit, shuedh-memecët, të sëmurit, të gjymtuarit, fëmijët me nevoja të veçanta…

Mirë të mendohen luftërat e filluara dhe viktimat që u flijuan në vitin “plak”, në emër të lirisë, drejtësisë dhe demokracisë, por duke bërë dëbime, vrasje, gjenocid dhe krime në pretendim-pushtime.

Duke kujtuar njerëzisht të festojmë maturisht këtë natë të paqetë dhe të trazuar kudo në botë.
Vitin pasues të kontribojmë në drejtim të përmirësimit të kushteve, për një jetesë më të mirë, më të sigurtë dhe të dinjitetshme në vendlindjet tona.

*Ps: Këtë natë do të gëzojnë vendimet e punës mbi 150 punonjës që u siguruan, për në: Çerdhe Fëmijësh, Qendra Sociale, Shtëpi Pleqsh, Strehimore… Ndërsa viti pasues do të realizohet me mbi 1000 punësime si Edukatore, Përkëdhelëse, Punëtorë Social, Jurista, Ekonomista, Inxhinierë Ndërtimi, Inxhinier të I.T-së…, etj.
Gëzofshi këtë natë, por gjithnjë me veprime në shërbim të interesave të të përgjithshmes !!!
31 dhjetor, 2024/25
Schaffhausen
Fatmir Beqir Limani

/ms